كتاباتى اللى مكتبتهاش ولاعمرى جبت ورقة وخطيت عليها القلم ,روحت مدرستى واول ما مسكت القلم كررت حروف كتير وكونت بيه كلام مكتوب ف الكتاب عارفاها من زمان وعدت سنين كتير بنكرر فى الكلام وكل سنة بتعدى بيزيد كرهى اكتر للورقة والقلم و ف يوم زعلت فجأة وحسيت احساس رهيب عايزة حد يسمعنى عايزة اتكلم كتير مالقتش حد فاهم اللى بمر بيه مالقتش حد يسمع ويرد رد خير ولقتنى ف النهاية بمسك ورقة وقلم واكتب موضوع تعبير, عندى كلام كتير شعور على قرارات على حبه هلفطة
مش عارفة اكتب احساسى مش عارفة اكتب ولا جملة ياعينى على احساسى اللى ادفن جوايا لا حد بيسمعه ولا حتى بيتكتب
طب ومواضيع التعبير اللى ف كشاكيل كتير عبرت عنها ازاى؟
دورت ف الكشاكيل لقيت موضوع تعبير(اكتب مقال ف عشرة اسطر عن السلام)كاتبة كلام كتير ومعناه كمان جميل كلام اكبر من سنى كتير كبرت سبع سنين وبردو مش فهماه ما كنت بنقله زى مواضيع كتير عدت على الاستاذ وادانى فيها عشرة والمرة الجاية هنقل وهاخد بردو عشرة ,عشرة ,عشرة ......
جريت على امى بسرعة بفرجها الكشكول
أمى :يا سلام على الشطارة يا سلام على الذكاء هعملك حاجة حلوة بمناسبة العشرات
وفضلت سنين كتير وانا بنقل التعبير خلاص مفيش تفكير خلاص مفيش ابداع يا معلم الاجيال يا مدمر التلاميذ كفاية كده تدمير
كفاية كده تخريب
